ಶ್ರೀ ಶ್ರೀಧರ ಸ್ವಾಮಿಗಳವರ 50 ನೇ ವರ್ಷದ ಆರಾಧನಾ ಮಹೋತ್ಸವ.

Cnewstv / 03.04.2023/ ಶಿವಮೊಗ್ಗ / ಸುದ್ದಿ ಹಾಗೂ ಮಾಹಿತಿಗಾಗಿ ಸಂಪರ್ಕಿಸಿ 9916660399.

ಶ್ರೀ ಶ್ರೀಧರ ಸ್ವಾಮಿಗಳವರ 50 ನೇ ವರ್ಷದ ಆರಾಧನಾ ಮಹೋತ್ಸವ.

ಶಿವಮೊಗ್ಗ : ನಗರದ ಶ್ರೀ ಶ್ರೀಧರ ಸೇವಾ ಸಮಿತಿಯ ವತಿಯಿಂದ ಪರಮಹಂಸ ಪರಿವ್ರಾಜಕಾಚಾರ್ಯ ಸದ್ಗುರು ಭಗವಾನ್ ಶ್ರೀ ಶ್ರೀಧರ ಸ್ವಾಮಿಗಳವರ ಐವತ್ತನೇ ವರ್ಷದ ಆರಾಧನಾ ಮಹೋತ್ಸವವನ್ನು ವೈಭವದಿಂದ ನಡೆಸುವ ಉದ್ದೇಶದಿಂದ ಏಪ್ರಿಲ್ 7,8 ಹಾಗೂ 9ನೇ ತಾರೀಖಿನಂದು ನಗರದ ಬಿ.ಬಿ. ರಸ್ತೆಯ ಶ್ರೀ ಲಕ್ಷ್ಮೀನಾರಾಯಣ ಸ್ವಾಮಿ ದೇವಸ್ಥಾನದಲ್ಲಿ ವಿಶೇಷ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ.

ದಿನಾಂಕ 07-04-2023ರ ಶುಕ್ರವಾರ ಬೆಳಿಗ್ಗೆ 10 ಗಂಟೆಯಿಂದ ಶ್ರೀ ಗಣಪತಿ ಹೋಮ ಹಾಗೂ ಶ್ರೀ ರಾಮತಾರಕ ಹವನ ಜರುಗಲಿದ್ದು, ಸಂಜೆ 6ಗಂಟೆಯಿಂದ ಪಲ್ಲಕ್ಕಿ ಉತ್ಸವ, 6.45ರಿಂದ ಮಂಕುತಿಮ್ಮನ ಕಗ್ಗದ ಖ್ಯಾತಿಯ ವಾಗ್ಮಿಗಳಾದ ವಿದ್ವಾನ್ ಶ್ರೀ ಜಿ. ಎಸ್. ನಟೇಶ್ ರವರಿಂದ ಉಪನ್ಯಾಸ ಕಾರ್ಯಕ್ರಮ ಹಾಗೂ 7.45ರಿಂದ ಅಷ್ಟಾವಧಾನ ಸೇವೆ ಮತ್ತು ಮಂಗಳಾರತಿ ಜರುಗಲಿದೆ.

ದಿನಾಂಕ 08-04-2023ರ ಶನಿವಾರ ಬೆಳಿಗ್ಗೆ 9.30ರಿಂದ ಶತರುದ್ರಾಭಿಷೇಕ ಹಾಗೂ 11.30ರಿಂದ ಭಗವಾನ್ ಸದ್ಗುರು ಶ್ರೀ ಶ್ರೀಧರ ಸ್ವಾಮಿಗಳವರ ಆರಾಧನಾ ಮಹೋತ್ಸವ ನಡೆಯಲಿದೆ. ಅಂದು ಸಂಜೆ 6ಗಂಟೆಯಿಂದ ಪ್ರಾಕಾರೋತ್ಸವ, 6.45ರಿಂದ ಭಜನಗಾಯನ ಮತ್ತು 7.45ರಿಂದ ಅಷ್ಟಾವಧಾನ ಸೇವೆ ಹಾಗೂ ಮಂಗಳಾರತಿ ಜರುಗಲಿದೆ.

ದಿನಾಂಕ 09-04-2023ರ ಭಾನುವಾರ ಬೆಳಿಗ್ಗೆ 8.30ರಿಂದ 10.30ರವರೆಗೆ ಸ್ವಹಸ್ತದಿಂದ ಶ್ರೀ ಗುರುಪಾದುಕಾಪೂಜೆ ಹಾಗೂ 10.30ರಿಂದ ನಮಃ ಶಾಂತಾಯ ಮೂಲಮಂತ್ರ ಹವನ ನಡೆಯಲಿದ್ದು, ಮಧ್ಯಾಹ್ನ 12.30ಕ್ಕೆ ಮಹಾಪ್ರಸಾದ ವಿನಿಯೋಗದೊಂದಿಗೆ ಕಾರ್ಯಕ್ರಮವು ಸಂಪನ್ನವಾಗಲಿದೆ.

ಲೋಕಹಿತಾರ್ಥವಾಗಿ ನಡೆಯಲಿರುವ ಈ ಮೂರು ದಿನಗಳ ಗುರು ಆರಾಧನಾ ಕಾರ್ಯದಲ್ಲಿ ಗುರುಭಕ್ತರೆಲ್ಲರೂ ತನು-ಮನ-ಧನ ಸಹಕಾರದೊಂದಿಗೆ ಸಕ್ರಿಯವಾಗಿ ಭಾಗವಹಿಸಿ, ಗುರುಕೃಪೆಗೆ ಪಾತ್ರರಾಗಬೇಕಾಗಿ ಶ್ರೀ ಶ್ರೀಧರ ಸೇವಾ ಸಮಿತಿಯ ವತಿಯಿಂದ ಕೋರಲಾಗಿದೆ.

ಸ್ವಹಸ್ತದಿಂದ ಪಾದುಕಾ ಪೂಜೆ ಮಾಡಲು ಬಯಸುವವರು ಕೆಳಗೆ ಕೊಟ್ಟಿರುವ ದೂರವಾಣಿ ಸಂಖ್ಯೆಗಳನ್ನು ಸಂಪರ್ಕಿಸಬಹುದಾಗಿದೆ. ಹವನ ಹಾಗೂ ಶ್ರೀ ಶ್ರೀಧರ ಪ್ರಸಾದಕ್ಕೆ ಅವಶ್ಯಕವಿರುವ ತುಪ್ಪ, ಅಕ್ಕಿ, ಬೇಳೆ, ಬೆಲ್ಲ, ತೆಂಗಿನಕಾಯಿ ಮುಂತಾದ ಸಾಮಗ್ರಿಗಳನ್ನು ಅರ್ಪಿಸುವವರು ಕೆಳಕಂಡ ವಿಳಾಸಕ್ಕೆ ತಲುಪಿಸಬಹುದಾಗಿದೆ: ಜಿ. ಅರುಣ್ ಕುಮಾರ್-98444 44820, #105, ಭೂಪಾಳಂ ಶಾಲೆಯ ಎದುರು, ಎಸ್‌.ಪಿ.ಎಂ. ರಸ್ತೆ, ಶಿವಮೊಗ್ಗ.
ನಾಗರಾಜ ಗೋರೆ-93423 12657,
ಸೀತಾರಾಮ್- 99020 34393.

ಸುದ್ದಿ ಹಾಗೂ ಮಾಹಿತಿಗಾಗಿ ಸಂಪರ್ಕಿಸಿ 9916660399